मेसीले भने, ‘यो नै मेरो अन्तिम विश्वकप’
एजेन्सी । अर्जेन्टिनाका स्टार फुटबल खेलाडी लियोनेल मेसीले हाल कतारमा चलिरहेको फिफा विश्वकप आफ्नो लागि अन्तिम भएको बताएका छन् ।
क्रोएसियालाई तीन गोलले पराजित गरेर अर्जेन्टिनाले फाइनलमा आफ्नो ठाउँ सुरक्षित बनाइसकेको छ । अब सेमी फाइनलको दोस्रो खेलमा मोरक्को र फ्रान्स एकअर्कासँग भिड्दै छन् ।
क्रोएसियासँगको खेलपछि मेसीले भने, ‘विश्वकपमा आफ्नो यात्रा फाइनलसम्म पुगेकाले म निकै खुशी छु । यो वास्तवमै सुखद क्षण हो ।
यसपटकको विश्वकपमा जे जति घटना भयो, त्यो मेरो लागि भावनात्मक रह्यो । अर्जेन्टिनामा मानिसहरूले यसको कति आनन्द लिएको देख्दा पनि भावुक छु । अर्को विश्वकप आउन अझै धेरै समय बाँकी छ । म त्यत्ति धेरै गर्न सक्छु जस्तो लाग्दैन । यसरी विश्वकपको यात्रा समाप्त गर्नु मेरो लागि शानदार कुरा हो ।’
३५ वर्षिय मेसीको यो पाँचौ विश्वकप हो । उनले आफ्नो फुटबल करियरमा विश्वकपको ट्रफीवोहक हासिल गर्न बाँकी केही पनि छैन । यो सपना पूरा गर्ने मेसीको ठूलो धोको छ ।
हालसम्म उनले सातपटकसम्म विश्वकै उत्कृष्ट फुटबलरको अर्वाड हात पारिसकेका छन् । उनले एकपटक फिफाकै उत्कृष्ट पुरूष खेलाडीको अवार्ड जिते । त्यस्तै, मेसीले चारपटकसम्म च्याम्पियन्स लिगको उपाधी हात पारिसकेका छन् । उनले गत वर्ष कोपा अमेरिकाको उपाधी पनि जितेका थिए ।
ताजा अपडेट
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
-
काठमाडौँ महानगरको श्रम बैंकबाट चार सयभन्दा बढी रोजगार
-
चीनमा पाँच लाखभन्दा बढी अपाङ्गता भएका व्यक्ति नयाँ रोजगारीमा
-
६ सचिवको सरुवा, पर्यटन, शिक्षा र कृषि सचिव फेरिए
प्रतिक्रिया