आईओसीले इन्धनको मुल्य घटाएर पठायो, नेपालमा पनि घट्ने संकेत

बाढीले ध्वस्त त्रिभुवन त्रिशूली माविको बसमा तोडफोड

आईओसीले इन्धनको मुल्य घटाएर पठायो, नेपालमा पनि घट्ने संकेत

नेपालवाच २०७९ पुष १ गते १६:१७

काठमाडाैं । भारतीय आयल कर्पोरेसन (आईओसी) ले नेपाल आयल निगमलाई इन्धनको मुल्य पुन: घटाएर नयाँ सुची पठाएको छ । शुक्रबार पठाएको सुची अनुसार पेट्रोलमा प्रतिलिटर ६ रुपैयाँ ९० पैसा घटेर आएको छ भने डिजेल १२ रुपैयाँ ३१ पैसा र हवाई इन्धन १० रुपैयाँ ६१ पैसा घटाएर पठाएको हो ।

यो पटक पनि मुल्य सुची घटेर आएपछि उपभोक्ताका लागि इन्धनको मुल्य घटाउने तयारीमा निगम रहेको स्रोतको दाबी छ । अहिले निगमलाई पेट्रोलमा करिब २० रुपैयाँ, डिजेलमा १३ रुपैयाँ नाफा रहेको छ ।

अन्तर्राष्ट्रिय बजारमा कच्चा तेलको मुल्य लगातार ओरालो लागेपछि इन्धनको भाउ पनि घटेर आएको हो ।