काठमाडौं । कतारमा जारी विश्वकप फुटबलको तेस्रो स्थानका लागि आज मोरक्को र क्रोएसिया भिड्दै छन् ।

विश्वकपमा सनसनीपूर्ण जित निकालेका क्रोएसिया र मोरक्को सेमिफाइनलमा क्रमशः अर्जेन्टिना र फ्रान्ससँग पराजित बनेका थिए । अफ्रिकन मुलुकबाट पहिलो पटक विश्वकपको अन्तिम चरणमा पुगेको मोरक्को फ्रान्ससँग २–० गोल अन्तरमा पराजित बनेको हो । निकै लयमा रहेको क्रोएसियालाई भने अर्जेन्टिनाले स्तब्ध पार्यो । यो नतिजासँगै क्रोएसियाको लगातार दोस्रोपटक फाइनल खेल्ने योजना भताभुंग भएको छ ।

दुवै मुलुक आज जितको खोजीमा हुनेछन् । खेल नेपाली समयअनुसार शनिबार राति ८ः४५ बजेबाट सुरु हुनेछ ।