सत्ता गठबन्धनको बैठक संसद भवनमा जारी

म्याक्स टाइगरको क्यान खोल्दा चम्कियो भाग्य, तिन जनाले जिते बाइक र स्कुटर !

नेपालवाच २०७९ पुष ११ गते १३:२५

काठमाडाैं । संसद भवन नयाँबानेश्वरमा सत्ता गठबन्धनको बैठक जारी छ । बैठकमा नेकपा एमाले, नेकपा माओवादी केन्द्र, रास्वपा, जसपा, राप्रपा लगायतका दलका शीर्ष नेताहरुको सहभागिता रहेको छ ।

हिजो राष्ट्रपतिबाट प्रधानमन्त्री नियुक्त भएका नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आज शपथ ग्रहण गर्नेछन् ।

आजै सानो आकारमा मन्त्रिपरिषद् बनाउने तयारी भएकाले गठबन्धनका दलहरु छलफलमा व्यस्त भएका हुन ।

सत्ता गठबन्धनको छलफलमा पुर्व प्रधानमन्त्री समेत रहेका डा.बाबुराम भट्टराई पनि सहभागि भएका छन् । तर बैठकमा नागरिक उन्मुक्ति पार्टीका प्रतिनिधि भने देखिएका छैनन् ।