काठमाडौं । इन्टरनेट सेवा प्रदायकहरुलेले इन्टरनेट जुनसुकै समयमा पनि रोकिन सक्ने चेतावनी दिएका छन् ।

इन्टरनेट सेवा प्रदायक संघ (आईस्पान) नेपालले सोमबार एक पत्रकार सम्‍मेलन गर्दै नेपाल विद्युत प्राधिकरणले पोल भाडामा मनोमानी गरेको भन्दै इन्टरनेट सेवा रोकिने चेतावनी दिएको हो ।

विद्युत् प्राधिकरणले इन्टरनेट सेवा प्रवाह गर्ने वातावरण सिर्जना नगरेसम्म सेवा दिन नसक्ने आईस्पानले जनाएको छ ।एकतर्फी रूपमा आफूखुसी पोल भाडा बढाएको र आफूहरूको मागका विषयमा पनि कुनै सुनुवाइ नभएकोले जुनसुकै बेला पनि सेवा अवरुद्ध हुन सक्ने चेतावनी आईस्पानको छ ।

विद्युत् प्राधिकरणले काठमाडौं, विराटनगर, इनरुवा, काँकडभिट्टा, गौरीगञ्ज, पोखरा, धरान, खोटाङ, भैरहवा, डोटी, ललितपुर लगायत स्थानमा इन्टरनेट सेवा प्रदायकको कार्यालयमा विद्युत् लाइन काटिदिएको आइस्पानले बताएको छ ।