काठमाडौं । प्रधानमन्त्री पुष्पकमल दाहाल प्रचण्डलाई विश्वासको मत दिने/नदिने विषयमा प्रमुख प्रतिपक्षी दल कांग्रेसले कार्यसम्पादन समितिको बैठक बोलाएको छ ।

मंगलबार बिहान सभापति देउवा निवास धुमबाराहीमा बसेको पदाधिकारी बैठकमा नेताहरूबीच विवाद भएपछि कार्य सम्पादन समितिको बैठक बोलाएको हो ।

बैठकमा संस्थापन पक्षका नेताहरूले प्रधानमन्त्रीलाई विश्वासको मत दिनुपर्ने तर्क गरेका थिए । कोइराला पक्षका नेताहरूले विश्वासको विपक्षमा मत दिनुपर्ने भनाइ राखेका थिए ।

साेही विषयमा विवाद भएपछि बिहान ११ : ३० बजे कार्यसम्पादन समितिको बैठक बोलाएको हो । कार्यसम्पादन बैठक सकिए लगत्तै कांग्रेसले संसदीय दलको बैठक बोलाएको छ । संसदमा सबैभन्दा ठूलो दल रहेको कांग्रेसले प्रतिनिधिसभा सदस्य निर्वाचनमा ८९ सिट जितेको छ ।