काठमाडाैं । नेपाल सरकार उद्योग वाणिज्य तथा आपूर्ति मन्त्रालयले तिलगंगा आँखा अस्पताललाई दुई करोड रूपैयाँ अनुदान  दिने सम्बन्धी सम्झौता भएको छ ।

अनुदान दिनेसम्बन्धी तिलगंगा आँखा प्रतिष्ठान र मन्त्रालयबीच सम्झौता भएको हो । मन्त्रालयको चालु आव ०७९/८० को स्वीकृत वार्षिक कार्यक्रम ‘तिलगंगा आँखा प्रतिष्ठानको इन्ट्राकुलर लेन्स उत्पादन विभाग हेटौंडामा स्थानान्तरणको लागि पक्की भवन निर्माण अनुदान’ कार्यक्रम कार्यान्वयन गर्न सम्झौता भएको जनाएको छ ।

निकासा भएको अनुदान रकम सम्बन्धित प्रतिष्ठानको खाता/ कोषमा जम्मा गरी सो को जानकारी मन्त्रालयमा गराउनुपर्ने सम्झौता भएको छ ।

साथै सम्झौताअनुसार प्रतिष्ठानले अनुदान रकम खर्च गर्दा प्रचलित खरिद कानुन लगायतका आर्थिक व्यवस्थासँग सम्बन्धित प्रचलित कानुनको पालन गरी वित्तिय अनुशासन कायम गर्नु/ गराउनुपर्ने  छ ।