एजेन्सी । सिजन अनुसार धेरैले आफ्नो लुक्स परिवर्तन गर्छन्। विशेषगरि महिलाहरु यसलाई लिएर गम्भीर हुन्छन् । चाहे त्यो आउटफिट होस् वा हेयर स्टाइल, उनीहरूले गर्मीमा आफ्नो लुक्स बदल्ने गर्छन् । आजकल विभिन्न प्रकारका कपालमा कलर गर्ने ‘ट्रेन्ड’ बढ्दो छ । यसका लागि उनीहरु आफूलाई सुहाउँदो हेयर कलर गर्न रुची राख्छन् ।

कस्तो कलर गर्ने ?

हेयर कलर गरेर मात्र हुँदैन् । यसको लागि आफूलाई सुहाउँदो कलर पनि हुनुपर्छ । अनुहारमा सुहाउँदो कलर भयो भने मात्र यसले तपाईको आवरणमा परिवर्तन गराउँछ ।

यसका लागि सबैभन्दा पहिले आफ्नो छालाको रङ पहिचान गर्नुपर्छ । छालाको रङ अनुसारको मिल्दो हेयर कलर गरियो भने यसले अनुहारमा थप चमक ल्याउँछ र सुन्दर देखाउँछ ।

कुन छालामा कस्तो कलर 

यदि तपाईको छालाको रङ गहुँ गोरो छ भने तपाई ‘हनी ब्लोन्ड’ कलर गर्न सक्नुहुन्छ । यसले तपाईलाई थप आकर्षक बनाउँछ । यो कलर ब्राउन र सुनौलो पहेंलो रंग मिसाएर बनाइएको हुन्छ । यो रंग विशेषगरी ‘स्टेप कट’ कपालमा राम्रो देखिन्छ ।

त्यस्तै, तपाईको रंग गोरो छ भने तपाई ‘ब्रूनेट’ कलर गर्नसक्नुहुन्छ । यो गोरो छालामा राम्रो देखिन्छ । यसलाई नीलो तटस्थ खैरो रंग प्रयोग गरेर बनाइन्छ । ‘बरगंन्डी रातो’ कलर धेरैको लोकप्रिय बनेको छ । तपाईको छालाकोे रंग हल्का फूस्रो छ भने यसले तपाईलाई विशेष सुहाउँछ ।

हल्का कालो छाला हुनेहरूले ‘मिडनाइट ब्लु’ कलर गर्न सक्छन् । यसले तपाईंको लुकलाई पूर्ण रूपमा परिवर्तन बनाउँछ र स्टाइलिस पनि देखाउँछ । यसैगरी ‘पिची पिंक’ कलर पनि गर्मी मौसममा राम्रो देखिन्छ ।