NepalWatch

News Portal For Eeverything In Nepal from Nepal

२०८० चैत १६ गते

अनुहारमा तुलसीका फाइदै फाइदा, यसरी लगाउनुहोस्

एजेन्सी । तुलसी एक यस्तो विरुवा हो जसलाई हामी हरेक प्रकारले उपयोग गर्न सक्छौं । रुघाखोकी लाग्दादेखि घाटीको समस्यामा पनि यो फाइदाजनक मानिन्छ ।आयुर्वेदिक औषधीमासमेत यसको उतिकै प्रयोग हुन्छ । यति मात्र होइन, यसले छालासम्बन्धी समस्याहरुबाट पनि राहत दिन्छ ।

एन्टिअक्सिडेन्ट गुण हुने तुलसीको प्रयोग सुख्खा तथा संवेदनशील छाला, अनुहारमा डण्डिफोहर आउने समस्या, एलजी जस्ता सबै छालासम्बन्धी समस्यामा यो लाभदायिक छ ।

तुलसी अनुहारमा लगाउनाले सौन्दर्यतामा अझ निखार आउँछ । यसले अनुहारमा भएका दाग धब्बालाई कम गर्नुका साथै हाइपरपिग्मेन्टेसन, चाँया पोतोको समस्या हटाउन पनि मद्त गर्छ । तुलसीमा भिटामिन सी उच्च मात्रामा पाइन्छ ।

जुन छालाको लागि उपयुक्त मानिन्छ । तुलसीको बोटमा प्राकृतिक एन्टी ब्याक्टेरियल र एन्टी इन्फ्लेमेटरी गुण हुन्छ । जसले छालालाई पोषण प्रदान गर्छ । यसबाहेक तुलसीले छालालाई सुख्खापनको समस्या हुन दिदैन् ।

तुलसीमा प्राकृतिक शीतलता हुन्छ। जसका कारण यसले छालाको जलनलाई शान्त पार्न र यसबाट राहत पाउन मद्दत गर्छ। त्यसैले तुलसी शरीरका लागि जति गुणकारी छ त्यतिनै छालाको लागि पनि लाभदायिक छ ।

छाला चम्किलो बनाउन टमाटरको प्रयोग यसरी गर्नुहाेस्