‘डाटा रिकभर’ भएन, लोक सेवाद्वारा पुनः दरखास्त आह्वान
काठमाडौं । लोक सेवा आयोगले गत मंसिर, पुस र माघमा प्रकाशित विभिन्न तहको विज्ञापनमा पुनः दरखास्त आह्वान गरेको छ । यसअघि दरखास्त बुझाएकाहरूको डाटा हराएएर अन्योल उत्पन्न भएपछि आयोगले पुनः सामेल हुन आवेदन आह्वान गरेको हो ।
आयोगले बुधबार एक सूचना प्रकाशित गर्दै मंसिर, पुस र माघ महिनामा दरखास्त दिएका उम्मेदवारहरूलाई पुनः आवेदन दिन भनेको छ ।
आयोगका अनुसार, आगामी जेठ १८ गतेभित्र यस्ता आवेदकहरूले दरखास्त बुझाउन सक्नेछन् । यसअघि नै बुझाइसकेकाले शुल्क भने लाग्दैन ।
आयोगले यसबारे उम्मेदवारको मोबाइलमा एसएमएस पठाएर पनि जानकारी दिने तयारी गरेको छ ।
लोक सेवा आयोगले आफ्नो नियमित कार्यतालिकाअनुसार गत मंसिर, पुस र माघमा नायब सुब्बा, शाखा अधिकृतलगायत पदमा दरखास्त आह्वान गरेको थियो ।
आयोगले आफ्नो वेबसाइटको डाटा सरकारी एकीकृत डाटा सेन्टर (जिआइडिसी) मा लगेर राखेको थियो । त्यहाँ राखिएका डाटा परीक्षा मिति नजिकिँदै जाँदासमेत रिकभर हुन सकेका छैनन् । निर्धारित परीक्षा कार्यक्रम प्रभावित हुने अवस्था सिर्जना भएपछि आयोगले विकल्पमा पुनः आवेदन आह्वान गरेको हो ।
लोक सेवाको जस्तै त्यहाँ राखिएका अन्य निकायको डाटा पनि हराएको छ । बिलाएका डाटा फर्काउन प्रयास भइरहेको बताइए पनि अहिलेसम्म सफल भएको छैन ।
यो प्रकरणपछि सरकारी डाटा सेन्टरको हविगत उदांगो बनेको छ ।
ताजा अपडेट
-
झापामा पूर्वशिक्षकबाटै एरिनाबाट गोली प्रहार भएको खुलासा
-
नेपालमा रहेका वेष्ट इन्डिजका तीन खेलाडी विश्वकप टोलीमा
-
आरबी कम्प्लेक्स र पिपुल्स प्लाजाद्वारा लाखौं कर छली
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
प्रतिक्रिया