काठमाडाैं ।  साताको अन्तिम कारोबार दिन बिहीबार शेयर बजारमा आज एकल अंकको गिरावट देखिएको छ । आज नेपाल स्टक एक्सचेन्ज (नेप्से) परिसूचक तीन दशमलव ३४ अङ्कले घटेर एक हजार आठ सय ३८ दशमलव ५९ अंकमा कायम भएको हो ।

आज दुई सय ५९ वटा कम्पनीको १६ लाख २०४ पटक कारोबारमा २१ लाख ५ हजार ६५७ कित्ता सेयर खरिदबिक्री हुँदा ५७ करोड ८८ लाख ४१ हजार ५९३ रूपैयाँको कारोबार भएको छ ।

विभिन्न समूहको उपसूचक हेर्दा आज बैंकिङ, जीवन बीमा र म्युचल फण्ड बढेका छन् । बैंकिङ ०.०५, जीवन बीमा ०.०२ र म्युचल फण्ड ०.४३ प्रतिशतले बढेको छ ।

घटेका उपसमूहरूमा विकास बैंक ०.४९, वित्त ०.६७, होटल तथा पर्यटन ०.२३, जलविद्युत ०.४१, लगानी ०.०१, उत्पादन ०.००, माइक्रोफाइनान्स ०.५७, नीर्जीवन ०.३२, अन्य ०.३२ र व्यापार ०.५९ प्रतिशतले घटेको छ ।

बिहीबार आत्मनिर्भरका लगानीकर्ताले सर्वाधिक ६.१० प्रतिशतका दरले कमाएका छन् । त्यस्तै फर्वाड माइक्रोफाइनान्सका लगानीकर्ताले सर्वाधिक ५.९९ प्रतिशतका दरले गुमाएका छन् ।

कारोबार रकमको आधारमा सबैभन्दा धेरै नेपाल टेलिकमको सर्वाधिक ३ करोड १५ लाख ६ हजार रूपैयाँको कारोबार भएको छ । दोस्रोमा ग्लोबल आइएमइ बैंक प्रमोटर सेयरको २ करोड ७० लाख ८४ हजार रूपैयाँको कारोबार भएको छ। त्यस्तै शिभम् सिमेन्टको १ करोड ८० लाख ३७ हजार रूपैयाँको कारोबार भयो ।