काठमाडौं । खानेपानी संस्थानको कर्मचारी मागसम्बन्धी विज्ञापन रद्द गरिएको छ ।

खानेपानी संस्थानले ०७८ चैत १ गते खुला प्रतिस्पर्धा गराएर करार सेवामा नियुक्त गर्ने गरी तह १ देखि ३ सम्मका विभिन्न पदमा दरखास्त आह्वान गरेको थियो । विज्ञापन आह्वान गरेर यसको प्रक्रिया अघि नबढाएको संस्थानले १३ महिनापछि विज्ञापन नै रद्द गरेको हो ।

संस्थानले एक सूचना जारी गर्दै जेठ ५ को सञ्चालक समितिको निर्णयअनुसार कर्मचारी मागसम्बन्धी विज्ञापन रद्द गरिएको जनाएको छ ।

विज्ञापन रद्द भएसँगै संस्थानले आवेदकले बुझाएको आवेदन शुल्क फिर्ता दिने भएको छ । यसका लागि आगामी १५ दिनभित्र रसिद, नागरिकतालगायत परिचय खुल्ने प्रमणपत्र लिएर आउन सूचित गरेको छ ।