NepalWatch

News Portal For Eeverything In Nepal from Nepal

२०८० चैत १६ गते

गुणस्तर तथा नापतौल कार्यालयका तत्कालिन अधिकृतविरूद्ध ४ करोडको भ्रष्टाचार मुद्दा

काठमाडौं । अख्तियार दुरुपयोय अनुसन्धान आयोगले गुणस्तर तथा नापतौल कार्यालयका तत्कालिन अधिकृतविरूद्ध ४ करोड रूपैयाँको भ्रष्टाचार मुद्दा दायर गरेको छ ।

पर्साका तत्कालिन अधिकृत शशिभूषण कुमार यादवविरूद्ध आज विशेष अदालत काठमाडौंमा मुद्दा दायर भएको हो ।

सार्वजनिक पदमा रहँदा यादवले गैरकानुनी रूपमा सम्पत्ति आर्जन गरेको आयोगले जनाएको छ । यादवविरूद्ध उक्त कसुरमा ४ करोड ४७ लाख ३४ हजार दुई सय १२ रूपैयाँ बिगोसहित कैदसजाय मागदाबी गरिएको छ ।

उनले स्रोत नखुल्ने सम्पत्तिबाट श्रीमति रिता रानी, छोराद्वय विकास र अविनासको नाममा घर, जग्गा खरिद गरेको पाइएको छ । साथै उनीहरूको नाममा बैंक मौज्दात भेटिएको छ ।