काठमाडौं । सरकारले २६ निर्माण तथा आपूर्ति कम्पनीलाई कालोसूचीमा राखेको छ । कबोलअनुसारको काम नगरेपछि प्रधानमन्त्री तथा मन्त्रिपरिषद् कार्यालय मातहतको सार्वजनिक खरिद अनुगमन कार्यालयले निर्माण तथा आपूर्ति कम्पनीलाई कालोसूचीमा राखेको हो ।

विभिन्न सार्वजनिक निकायबाट लेखी आएबमोजिम यी कम्पनीहरूलाई सार्वजनिक निकायको कुनै पनि खरिद प्रक्रियामा सहभागी हुन नपाउने गरी कालोसूचीमा राखिएको कार्यालयले जनाएको छ । यी कम्पनीलाई एकदेखि तीन वर्षसम्म कालोसचूमा राखिएको छ ।

कालोसूचीमा परेकाहरूमा कलेज अफ इम्प्लोइमेन्ट प्रालि, श्री पप्पु कन्स्ट्रक्सन प्रालिदेखि युमन निर्माण सेवालगायत २६ कम्पनी छन् ।

हेर्नुहोस् सार्वजनिक खरिद अनुगमन कार्यालयको सूचना