काठमाडौं । ग्लोबल आइएमई बैंकले आज (असार १ गते) बाट लागू हुने गरी नयाँ ब्याजदर सार्वजनिक गरेको छ ।

बैंक तथा वित्तिय संस्थाहरूको छाता संगठन नेपाल बैंकर्स एशोसिएनले असार महिनामा निक्षेपको ब्याजदर स्थिर राख्ने निर्णय गरेसँगै बैंकरूले जेठ महिनामा लागू भएका ब्याजदरलाई नै कायम राखेका छन् । ग्लोबल आइएमई बैंकले पनि असार महिनाको लागि जेठमा कायम ब्याजदरलाई नै निरन्तरता दिएको छ ।

असार महिनाको लागि बैंकले बचत खातामा न्युनतम ५.४० प्रतिशतदेखि अधिकतम ९.४० प्रतिशतसम्म ब्याजदर कायम गरेको छ । त्यस्तै निक्षेपमा २.७० प्रतिशतदेखि ११.९९ प्रतिशतसम्म ब्याजदर कायम गरेको छ ।

बैंकले नर्मल सेभिङ, ग्लोबल नारी बचत, ग्लोबल बालबालिका बचत, ग्लोबल नवरत्न स्यालरी अकाउन्ट, ग्लोबल कर्मचारी बचत, सोसल सेक्युरेटी,  ग्लोल सेयर लगानी, ग्लोबल स्टुडेन्ट सेभिङ, ग्लोबल जनभूमि, रेमिट्यान्स बचत खातामा ५.४० प्रतिशत ब्याजदर कायम गरेको छ ।

त्यस्तै ग्लोबल जेष्ठ नागरिक बचत खाता ६.४० प्रतिशत ब्याजर तोकेको छ । त्यस्तै सबै नेपालीको बचत खाता, सोचेजस्तो बचत खातामा ७.४० प्रतिशत ब्याजनर कायम गरेको छ भने ग्लोबल रेमिट सेभिङ अकाउन्टमा ९.४० प्रतिशत ब्याजनर निर्धारण गरेको छ ।

बैंकले फिक्स डिपोजिटअन्तर्गत व्यक्तिगततर्फ ३ महिनाभन्दा बढी अवधिको लागि ९.९९, रेमिटर्स टर्म ११.९९ र संस्थागततर्फ ६ महिना बढी अवधिको लागि ७.९९ प्रतिशत ब्याजदर कायम गरेको छ ।