काठमाडौं । आइसिसी एकदिवसीय क्रिकेट विश्वकप छनोटमा नेपालले दुई पटकको विश्वविजेता वेस्ट इन्डिजविरूद्धको खेलमा उत्कृष्ट प्रदर्शन गरेको छ ।

जिम्बावेको राजधानी हरारेस्थित हरारे स्पोर्ट्स क्लबमा नेपालले टस जितेर बलिङ रोजेको थियो । पहिले ब्याटिङ गरिरहेको वेस्ट इन्डिजले तीन विकेट गुमाइसकेको छ। स्पिनर सन्दीप लामिछनेले तेस्रो विकेट लिएका छन् ।

यसअघि गुल्सन र करण केसीले दुई विकेट लिएका थिए । गुल्सनले जोनसन चार्ल्सलाई शून्य रनमा आसिफ शेखबाट क्याच गराएका हुन् ।  वेस्ट इन्डिजले ४.१ ओभरमा २ विकेट गुमाएर ९ रन जोडेको थियो।

यसअघि ओपनिङ ब्याट्सम्यान कायल मेयर्सलाई १ रनमा  करण केसीले कुशल भुर्तेलबाट क्याच गराएका थिए । १६.४ ओभरमा वेस्ट इन्डिजले तीन विकेट गुमाएर ५९ रन जोड्न सफल भएको छ । वेस्ट इन्डिजले १९७५ र १९७९ को पहिलो दुई संस्करणको विश्वकप जितेको थियो ।