काठमाडौं । उच्च अदालत पाटनले काठमाडौं महानगरभित्रका फिल्म हलहरुमा भारतीय फिल्मको प्रदर्शन नरोक्न अल्पकालीन अन्तरिम आदेश जारी गरेको छ ।

महानगरका प्रमुख (मेयर) बालेन शाहले भारतीय फिल्म महानगरभित्र चलाउन नदिने निर्देशनविरूद्ध नेपाल चलचित्र संघले रिट दायर गरेको थियो । उक्त रिटमा उच्च अदालतले सुनुवाइ गर्दै न्यायाधीश धिरबहादुर चन्दको एकल इजलासले भारतीय फिल्म नरोक्न आदेश अन्तरिम जारी गरेको हो ।

मेयर शाहले भारतीय फिल्म ‘आदिपुरुष’ मा  ‘जानकी भारतकी छोरी हुन्’ भन्ने आशयको संवाद मूल संस्करणबाट नहटाएसम्म मनहटाएसम्म महानगरभित्र कुनै पनि भारतीय चलचित्र प्रदर्शनमा रोक लगाएपछि देशभर चलचित्रको प्रदर्शन रोकिएको  थियो ।