पाम तेल निर्यातमा गिरावट
काठमाडौं । चालु आर्थिक वर्ष २०७९/८० को ११ महिना अर्थात साउनदेखि जेठसम्मको तथ्यांकअनुसार नेपालबाट विदेश निर्यात हुने मूख्य वस्तु पाम तेलको निर्यातमा गिरावट आएको छ ।
चालु आवको पहिलो ११ महिनाको तथ्यांकअनुसार नेपालबाट कुल १९ अर्ब ५४ करोड ३६ लाख ७२ हजार रूपैयाँको कच्चासहित पाम तेल निर्यात भएको छ । जुन गत वर्षको तुलनामा २० अर्ब रूपैयाँले कमी हो ।
गत वर्ष ०७८/७९ को सोही अवधिमा नेपालबाट ३९ अर्ब ११ करोड ७५ लाख १४ हजार रूपैयाँको पाम तेल भारत निर्यात भएको थियो ।
आयातमासमेत गिरावट
चालु आवको ११ महिनामा पाम तेल निर्यातमा मात्रै नभएर आयातमा समेत गिरावट आएको देखिएको छ ।
गत आव ०७८/७९ को जेठसम्ममा ३८ अर्ब ७५ करोड ४९ लाख रूपैयाँको कच्चासहितको पाम तेल आयात भएको थियो । चालु आवको सोही अवधिमा आयात घटेर २७ अर्ब ६६ करोड ९१ लाख रूपैयाँको पाम तेल आयात भएको छ ।
नेपालमा इन्डोनोसिया, फिलिपिन्स, भारत, मलेसियालगायतका देशबाट पाम तेल आयात हुँदै आएको छ । नेपालले पाम तेल निर्यात भने छिमेकी मूलुक भारतमा गर्दै आएको छ ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया