काठमाडौं । काठमाडौं महानगरपालिकाले आफ्नो क्षेत्रभित्रका संस्थागत शैक्षिक संस्थाले सञ्चालन गर्ने कक्षा ११ मा छात्रवृत्ति वितरण गर्न आवेदन आह्वान गरेको छ ।

बिहीबार एक सार्वजनिक सूचना प्रकाशित गर्दै महानगरपालिकाले छात्रवृत्तिका लागि आवेदन आह्वान गरेको हो ।

शैक्षिक सत्र २०८०/८१ मा कक्षा ११ मा छात्रवृत्तिमा अध्ययन गर्न चाहने विद्यार्थीका लागि अनलाइन आवेदन फाराम आह्वान गरिएको महानगरपालिकाको शिक्षा विभागले जनाएको छ ।

आवेदन असार २८ देखि साउन १२ गतेसम्म दिन सकिनेछ । छात्रवृत्ति छनोट परीक्षा आगामी साउन २० गते बिहान ११ बजदेखि १ बजेसम्म सञ्चालन हुने कामपाको सूचनामा उल्लेख छ ।

हेर्नुहोस् सूचना