एजेन्सी । बलिउडमा यतिबेला अभिनेता आदित्य रोय कपूर र अभिनेत्री अनन्या पाण्डेको प्रेमको चर्चा छ । हालै पोर्चुगलको एक रेष्टुरेन्टमा सँगै बसेको आदित्य र अनन्याको तस्बिर भाइरल भएको थियो ।

उनीहरू दुई फेरि एकपटक सँगै देखिनुले यो चर्चालाई बल पुर्याएको छ । उनीहरु मुम्बईको बान्द्रामा एउटै कारमा सँगै घुमिरहेका देखिएका थिए । यस क्रममा अनन्याले भने पापाराजीको नजरबाट बच्ने प्रयास गरिन् । अनन्याले अनुहारमा हात राखेर अनुहार लुकाएकी थिइन् । यससँग सम्बन्धित तस्बिरहरू सामाजिक सञ्जालमा पनि सार्वजनिक भएका छन् ।

तस्बिरमा अनन्या आफ्नो अनुहार लुकाउन कोशिस गर्दैछिन् जबकि आदित्य उनको अगाडि आएका पापाराजीबाट चिन्तित छैनन्। फोटोमा आदित्य मुस्कुराउँदै देखिएका छन् । रिपोर्टका अनुसार अनन्या र आदित्य डिनर डेटमा गएका थिए ।

छुट्टि मनाएर उनीहरू केही दिन अघि लिस्बनबाट फर्किएका छन् ।