काठमाडौं । फिफा महिला विश्वकप फुटबल २०२३ मा अर्जेन्टिना र दक्षिण अफ्रिकाले रोमाञ्चक बराबरी खेलेका छन् ।

आज शुक्रवार बिहान न्युजिल्यान्डको फोर्सिथ बार स्टेडियममा भएको नतिजा समूह ‘जी’ को खेलमा अर्जेन्टिनाले दक्षिण अफ्रिकालाई २–२ को रोमाञ्चक बराबरीमा रोकेको हो ।

खेलमा दक्षिण अफ्रिकाले २ गोलको अग्रता लिएको थियो । तर अर्जेन्टिनाले ५ मिनेटको अन्तरमा २ गोल गर्दै खेल बराबरीमा ल्याउन सफल भयो ।

अर्जेन्टिनाका लागि सोफिया ब्रउन र रोमाना नुनेजले गोल गरे । दक्षिण अफ्रिकाका लागि भने लिन्डा माटिहालो र थेम्बी केगाटलानाले गोल गरेका थिए ।

यो बराबरीसँगै दक्षिण एसिया २ खेलमा १ अङ्कसहित समूह ‘जी’ को तेस्रो स्थानमा छ भने अर्जेन्टिना समान अङ्कसहित चौथो स्थानमा छ ।