एक जना सांसद नपुगेपछि लेखा समितिको बैठक स्थगित

नेपालगन्ज भन्सारः दश महिनामा लक्ष्यको ६८ प्रतिशत राजस्व सङ्कलन

एक जना सांसद नपुगेपछि लेखा समितिको बैठक स्थगित

नेपालवाच २०८० साउन १२ गते १३:५६

काठमाडौं। प्रतिनिधि सभा अन्तर्गतको सार्वजनिक लेखा समितिको बैठक गणपूरक संख्या नपुगेपछि स्थगित भएको छ।

शुक्रबार बिहान साढे ११ बजेका लागि बोलाइएकोे गणपूरक संख्या पुग्न नसक्दा स्थगित भएको हो।

२६ सदस्यीय समितिमा कोरमका लागि १४ सांसद आवश्यक पर्नेमा १३ जना मात्रै उपस्थित हुँदा समिति बैठक स्थगित भएको हो।

अब अर्को बैठक आइतबार दिउँसो १ : ३० बजेका लागि बोलाइएको छ। आजको बैठकमा समितिको आन्तरिक कार्यविधि र आएका उजुरीहरूका बारेमा छलफल गर्ने कार्यसूची रहेको थियो ।