काठमाडौं। रेशम चौधरी संरक्षक रहेको नागरिक उन्मुक्ति पार्टी र नेपाल सद्भावना पार्टीबीच एकता भएको छ।

जनकपुरधाममा एक समारोहबीच पार्टी एकता गरिएको हो। त्यसक्रममा दुवै पार्टीका शिर्ष नेताहरुले एकता घोषणा गरे।

कार्यक्रममा नेपाल सद्भावना पार्टीका महासचिव राजेन्द्र चौधरी र नागरिक उन्मुक्ति पार्टीका लक्ष्मण थारूलगायत दुवै पार्टीका केन्द्रीय, प्रादेशिक र जिल्लास्तरीय नेता कार्यकर्ताहरुको उपस्थिति थियो।

कार्यक्रमलाई सम्बोधन गर्दै नागरिक उन्मुक्ति पार्टीका संरक्षक रेशमलाल चौधरीले मधेसको आन्दोलनका लागि लड्दा आफूले साढे ८ बर्षसम्म जेल बस्नु परेको बताए। उनले मधेसवादी दलहरुले आफूसँग धोखाधडी गरेको आरोप लगाए।