संसदीय समितिका सभापति चयन नगरिए बैठकमा नआउने एमालेको चेतावनी
काठमाडौं। प्रमुख प्रतिपक्षी दल नेकपा (एमाले)ले संघीय संसद् मातहतका संसदीय समिति सभापति चयन गर्न सभामुखको ध्यानाकर्षण गराएको छ।
एमाले सचिवसमेत रहेका सांसद योगेश भट्टराईले संसदीय समिति सभापति चयन नभए समितिका आगामी बैठकमा उपस्थित नहुने जानकारी गराएका हुन्। भट्टराईले सभामुख देवराज घिमिरेलाई फोनमार्फत यस्तो जानकारी गराएका हुन्।
‘आज हामीले सार्वजनिक लेखा समितिमा कुरा उठायौं र प्रस्ताव पनि पारित भएको छ। सभापति नहुँदा काम प्रभावित भएको छ,’ उनले भने, ’सभामुखलाई यो कुरा जानकारी गराएका छौं। उहाँले सबै दलसँग परामर्श गरेर प्रक्रिया अगाडि बढाउँछु भन्नुभएको छ।’
प्रतिक्रिया