नक्कली शरणार्थी प्रकरण: जिल्ला अदालतको फैसलाविरुद्ध नेताहरु पुगे उच्च अदालत
काठमाडौं। नक्कली शरणार्थी प्रकरणमा मुछिएका नेताहरु उच्च अदालत पुगेका छन् ।
यस प्रकरणमा आफुलाई थुनामा राख्ने काठमाडौं जिल्ला अदालतको फैसलाविरुद्ध एमाले नेता टोपबहादुर रायमाझी, तत्कालीन गृहमन्त्री तथा कांग्रेस नेता बालकृष्ण खाण, नेपाल सरकारका सचिव टेकनारायण पाण्डे, पूर्वसांसद् आङटावा शेर्पा, बिचौलिया केशव दुलालसहित थुनामा रहेका अभियुक्तहरूले उच्चमा रिट दिएका हुन् ।
जिल्ला अदालतको आदेश बदर गरी आफूहरुलाई सामान्य तारिखमा रिहा गर्नुपर्ने भन्दै उनीहरु उच्च अदालत पुगेका हुन् । नक्कली शरणार्थी प्रकरणमा पक्राउ परेका १८ जनामध्ये १६ जनालाई जिल्ला अदालत काठमाडौँका न्यायाधीश प्रेमप्रसाद न्यौपानेको इजलासले असार १ गते थुनामा पठाउने आदेश दिएको थियो ।
नेपालीलाई नक्कली भुटानी शरणार्थी बनाएर अमेरिका लैजाने गरी संगठित ठगी अपराध गरेको भन्दै जेठ १० गते जिल्ला सरकारी वकिल कार्यालयले ३० जना प्रतिवादीविरुद्ध मुद्दा दायर गरेको थियो । यो प्रकरणमा मुद्दा दायर गरेकामध्ये ११ जना अहिले पनि फरार छन् ।
ताजा अपडेट
-
झापामा पूर्वशिक्षकबाटै एरिनाबाट गोली प्रहार भएको खुलासा
-
नेपालमा रहेका वेष्ट इन्डिजका तीन खेलाडी विश्वकप टोलीमा
-
आरबी कम्प्लेक्स र पिपुल्स प्लाजाद्वारा लाखौं कर छली
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
प्रतिक्रिया