काठमाडौं। सुदूरपश्चि प्रदेशको आन्तरिक मामिला तथा कानुनमन्त्री शिवराज भट्ट बन्ने भएका छन् ।

बैतडी प्रदेशसभा (२) बाट निर्वाचित भट्ट प्रदेशको कानुनमन्त्री बन्ने पक्का भएको स्रोतले जनाएको छ । मुख्यमन्त्री कमल बहादुर शाहको सचवालय स्रोतले भट्ट मन्त्री बन्ने लगभग पक्का भएको बतायो ।

यसअघि कांग्रेसबाटै निर्वाचित पृथ्वीबहादुर सिंह कानुनमन्त्री थिए । उनको दुर्घटनामा निधनपछि भट्टले मन्त्रालय सम्हाल्न लागेका छन् ।

यस विषयमा भट्टले पनि मन्त्री बन्ने कुरा भएको स्विकार गरेका छन् ।

मुख्यमन्त्री कमल शाहले पछिल्लो पटक नागरिक उन्मुक्ति पार्टीसहित सरकार विस्तार गर्दैछन् । नाउपालाई सरकारमा सामेल गर्ने गरि काठमाडौंमा प्रधानमन्त्रीलाई भेटेर मुख्यमन्त्री शाह आजै प्रदेश फर्किन लागेका छन् ।