मनसुनको न्यूनचापीय रेखा भारत नजिक, दुई प्रदेशमा भारी वर्षाको आँकलन
काठमाडौं । मनसुनको न्यूनचापीय रेखा सरदरस्थान भन्दा उत्तरतिर सरेकाले नेपालका केही भूभागहरुमा मात्रै भारी वर्षाको सम्भावना रहेको मौसमविद् प्रतिभा मानन्धरले बताएकी छिन् ।
उनका अनुसार आज दिउँसो गण्डकी प्रदेशका एक-दुई स्थान र राति कोशी र गण्डकी प्रदेशका एक-दुई स्थानमा मात्र भारी वर्षाको पूर्वानुमान् गरिएको छ ।
न्यूनचापीय रेखा अहिले भारत नजिक रहेकाले नेपालका धेरै जसो स्थानमा हल्कादेखि मध्यम वर्षाको मात्रै सम्भावना रहेको मानन्धरले जानकारी दिइन् । हाल कोशी, मधेश, बागमती र गण्डकी प्रदेशमा सामान्य बदली रही बाँकी भू-भागमा आंशिक देखि सामान्य बदली रहेको छ। गण्डकी र बागमती प्रदेशका एक-दुई स्थानमा हल्का वर्षा भइरहेको मौसम पूर्वानुमान महाशाखाले जनाएको छ ।
आज दिउँसो देशभर आंशिकदेखि सामान्य बदली भई पहाडी भू-भागमा हल्कादेखि मध्यम वर्षाको सम्भावना रहेको छ भने कोशी, मधेश र लुम्बिनी प्रदेशका तराईका थोरै स्थानहरूमा हावाहुरीको समेत सम्भावना रहेको महाशाखाले जनाएको छ ।
काठमाडौं उपत्यकामामा पनि दिउँसो हल्कादेखि मध्यम वर्षाको सम्भावना छ। राति कोशी प्रदेश लगायत बागमती र गण्डकी प्रदेशका पहाडी भू-भागका केही स्थानहरूमा तथा बाँकी प्रदेशका थोरै स्थानहरूमा मेघ गर्जन/चट्याङसहित हल्का देखि मध्यम वर्षाको सम्भावना रहेको छ ।
ताजा अपडेट
-
इन्सपेक्टर पौडेलले गरे सगरमाथा आरोहण
-
ग्रिनकार्डको प्रलोभनमा बिहे गरेर चीनमा नेपाली युवतीको तस्करी
-
सिडिओ कार्यालयका अधिकृतलाई गोली हानी हत्या गर्ने १६ वर्षपछि समातिए
-
कांग्रेसले बोलायो केन्द्रीय कार्यसमिति र संसदीय दलको संयुक्त बैठक
-
वैशाख मसान्तसम्ममा ११ खर्ब ७७ अर्ब व्यापार घाटा
प्रतिक्रिया