एजेन्सी । बलिउड अभिनेत्री हेमा मालिनी सदाबहार अभिनेत्रीको रूपमा परिचित छिन् । यद्धपि, उनी पछिल्लो समय फिल्ममा खासै सक्रिय छैनन् ।  उनको अन्तिम फिल्म २०२० मा रिलिज भएको ‘शिमला मिर्च’ थियो ।

यसैबीच, हेमाले हालै एक अन्तवार्तामा आफूलाई फेरि फिल्ममा काम गर्ने इच्छा भएको बताएकी छन् । करियरको बारेमा कुरा गर्दै हेमाले पीटीआईलाई दिएको अन्तर्वार्तामा राम्राे फिल्मको अफर आए आफू पुन: फिल्ममा काम गर्ने बताएकी छन् ।

‘म फेरि फिल्म गर्न चाहन्छु । मैले केही राम्रा भूमिका पाएमा पक्कै पनि ती फिल्ममा अभिनय गर्छु । म चाहन्छु कि निर्माताले मलाई फिल्म अफर गरेर साइन गरून् ।’ उनले भनिन् ।

अन्तवार्तामा उनले फिल्म ‘बागवान’ को सेटलाई सम्झिदै अमिताभसँग अन्य फिल्ममा काम गर्ने इच्छा रहेकोसमेत बताइन् । ‘हामीले अझ धेरै फिल्ममा सँगै काम गरेको भए हुन्थ्यो तर त्यो हुन सकेन । उहाँसँग काम गर्न पाउँदा राम्रो लाग्यो।’  काम गरेको अनुभवको बारेमा कुरा गर्दै हेमाले अन्तर्वातामा भनिन् ।

बागवान बाहेक हेमा र अमिताभले ‘सत्ते पे सत्ता’, ‘नसीब’, ‘नास्तिक’ जस्ता फिल्ममा सँगै काम गरेका छन् । यसबाहेक हेमाले ‘वीर-जारा’, ‘बाबुल’ र ‘बुद्ध होगा तेरा बाप’ जस्ता हिछ फिल्ममा काम गरेकी छन् ।