काठमाडौं । शिक्षा सेवा आयोगले गरेको दुई जिल्लाको बढुवामा पनि त्रुटि पाइएको छ । त्रुटि भेटिएपछि आयोगले उक्त जिल्लाको नतिजा पुनरावलोकन गरेको छ ।

शिक्षक सेवा अयाोग, बढुवा सिफारिस समितिको सचिवालय, बागमती प्रदेश हेटौंडाले गत जेठ ३१ मा गरेको प्राथमिक तह प्रथम श्रेणीको बढुवा सिफारिसमा त्रुटि भएको हो ।

नतिजा परिवर्तन गरिएका जिल्लामा काभ्रेपलाञ्चोक र नुवाकोट छन् ।

आयोगले बढुवा सिफारिस गरेपछि चित्त नबुझेका उम्मेदवारहरूलाई पुनरावेदनमा आउन भनिएको थियो । पुनरावेदनका क्रममा त्रुटि भेटिएको हो ।

आयोगतका अनुसार, बागमतीका अन्य जिल्लाबाट पनि नतिजा पुनरावलोकनका लागि आवेदन परेका थिए । तर अन्य जिल्लाको नतिजा भने परिवर्तन गरिएको छैन ।