एजेन्सी । भान्सामा तरकारीको स्वाद बढाउन टमाटरको भूमिका मूख्य हुन्छ । यो हरेक तरकारीको लागि उपयुक्त मानिन्छ । सामान्यतया यसको प्रयोग सबै मौसममा उतिकै गरिन्छ तर आयुर्वेदमा वर्षातमा टमाटरको प्रयोग नगर्न सल्लाह दिइन्छ ।

आयुर्वेद एक प्राचीन चिकित्सा प्रणाली हो जसले राम्रो स्वास्थ्य कायम राख्न आहार र जीवनशैलीको महत्त्वलाई जोड दिन्छ। आयुर्वेदका अनुसार हरेक मौसमको आ–आफ्नै विशेषता हुन्छ र त्यसले शरीरमा फरक फरक प्रभाव हुन्छ ।

वास्तवमा आयुर्वेदका अनुसार वर्षायाममा कफ दोष बढ्छ, जसले शरीरको संरचना र स्थिरता कायम राख्न जिम्मेवार हुन्छ। कफ भारीपन, चिसो र ओसिलोपन जस्ता गुणहरूसँग सम्बन्धित छ, जुन वर्षाको मौसममा पनि वातावरणमा हुन्छ ।

कफमा उच्च मात्रामा खानेकुराको सेवनले शरीरमा यी गुणहरू बढाउन सक्छ जसले स्वास्थ्यमा विभिन्न समस्याहरू निम्त्याउँछ । विशेषगरी वर्षायाममा टमाटर कफ दोषमा धनी मानिन्छ ।

जसले कफ बढाउँछ र पाचनसम्बसन्धि समस्या ल्याउँछ । त्यस्तै, टमाटर अम्लीय प्रकृतिका हुन्छन् । अम्लीयपनले पाचन प्रणालीमा बाधा पुयाउँछ जसले एसिडिटीको समस्या हुन्छ ।