NepalWatch

News Portal For Eeverything In Nepal from Nepal

२०८१ असार ५ गते
२०८१ असार ५ गते

पूर्वमन्त्री रामकुमार श्रेष्ठ भ्रष्टाचार मुद्दामा दोषी ठहर

काठमाडौं। पूर्वमन्त्री तथा पूर्वसचिव रामकुमार श्रेष्ठलाई विशेष अदालतले भ्रष्टाचार मुद्दामा दोषी ठहर गरेको छ । मुद्दा दायर भएको डेढ वर्षमा उनी दोषी ठहर भएका छन् ।

अकुत सम्पत्ति आर्जन गरेको मुद्दामा उनलाई न्यायाधीश यमुना भट्टराई र खुशीप्रसाद थारुको इजलासले दोषि ठहर गरेको हो ।

श्रेष्ठलाई ६ महिना कैद सजायसहित ९८ लाख २९ हजार ५ सय ३७ रुपैयाँ जरिवानासहित सोही बराबरको बिगो जफत गर्ने आदेश दिइएको छ ।

उनीविरूद्ध अख्तियार दुरुपयोग अनुसन्धान आयोगले २०७८ फागुन १५ मा मुद्दा दायर गरेको थियो । त्यतिबेला उनी मन्त्रिपरिषद्का अध्यक्ष खिलराज रेग्मीको नेतृत्वको सरकारमा मन्त्री थिए ।