काठमाडौं । काठमाडौंको एक रेस्टुरेन्टमा तयार मःममा साङ्ला भेटिएपछि काठमाडौं महानगरपालिकाले त्यसमा ताला लगाइदिएको छ ।

काठमाडौं महानगरपालिका वडा नं. ३, लाजिम्पाटमा रहेको फो १९ रेस्टुरेन्टमा काठमाडौं महानगरपालिकाले ताला लगाएको हो ।

मःममा साङ्ला भेटिएपछि एक ग्राहकले महानगरपालिकामा तथ्यसहित उजुरी गरेका थिए । त्यसपछि बालेन नेतृत्वको महानगरले उक्त रेस्टुरेन्टमा बिहीबार अनुगमन गरेको थियो । अनुगमनका क्रममा फो १९ रेस्टुरेन्टले अखाद्य वस्तु बिक्री गरिरहेको खुलेपछि महानगरपालिकाले सिल गरेको हो ।

फो १९ रेस्टुरेन्ट अनुगमनका क्रममा अखाद्य वस्तु भेटिएकाले सिल गरिएको महानगरपालिकाले जनाएको छ ।