दीपेन्द्रसिंह ऐरीलाई चोट, विश्वकप छनोटका बाँकी खेल गुमाउने
काठमाडौं । नेपाली राष्ट्रिय टिमका अलराउन्डर दीपेन्द्रसिंह ऐरी चोटका कारण केही दिन मैदान बाहिर हुने भएका छन् ।
टी २० विश्वकप क्वालिफायरको पहिलो म्याचमा सिंगापुरविरुद्धको टसपछि मैदानमा अभ्यास गर्ने क्रममा उनलाई गोलीगाँठामा चोट लागेपछि दिपेन्द्रले आजको खेल पनि गुमाएका थिए ।
क्यान स्रोतका अनुसार उनको बाँया खुट्टाको एंकलको लिगामेन्ट च्यातिएको छ । अभ्यास क्रममा उनको बायाँ खुट्टाको एंकलमा चोट लागेपछि उनलाई मेडिसिटी अस्पताल लगिएको थियो ।
सोमबार दीपेन्द्रको स्थानमा विवेक यादवलाई खेलाइएको थियो । पछिल्लो समय उत्कृष्ट लयमा रहेका दीपेन्द्र घाइते भएसँगै नेपाली ब्याटिङ लाइनअपमा असर गर्ने देखिएको छ ।
अस्पतालमा स्वास्थ्य परीक्षणको रिपोर्ट अनुसमर डाक्टरहरुले उनलाई केही दिन आराम गर्न सुझाव दिएका छन् । स्वास्थ्य परिक्षणपछि उनी वैशाखी टेकेर अस्पतालबाट टीयु ग्राउन्ड आएका थिए ।
ताजा अपडेट
-
सम्बन्ध बिग्रिएपछि श्रीमतीकै गोप्य तस्वीर फेसबुकमा
-
मकालु हिमाल आरोहण गरी फर्किने क्रममा एक पर्वतारोहीको मृत्यु
-
संसदीय छानबिन समिति नबन्दासम्म संसद् चल्न दिँदैनौँ : नेता निधि
-
बाँकेको जमुनाहा नाका बन्द
-
सुशासनका लागि विधिको शासनसँगै ध्यानयोग पनि आवश्यक छ : उपप्रधानमन्त्री श्रेष्ठ
प्रतिक्रिया