काठमाडाैं ।  धादिङको बेनीघाट रोराङ गाउँपालिकाले लैंगिक हिंसाविरुद्धको १६ दिने अभियान आज भव्यताका साथ समापन गरेको छ ।

गाउँपालिकाले लैंगिक हिंसाविरुद्ध १६ दिने अभियान मसिंर ९ बाट ‘लैंगिक हिंसा अन्त्यको सुनिश्चितता : महिला र बालबालिकामा लगानीको एक्यबद्धता गरौं’ भन्ने राष्ट्रिय नाराका साथ सञ्चालन गरेको थियो ।

गाउँपालिकाका प्रमुख अध्यक्ष कृष्णबहादुर थपलिया (विवेक), उपाध्यक्ष टाप बहादुर क्षेष्ठ, पालिकाकी प्रमुख प्रशासकिय अधिकृत नर्बदा घिमिरेकाे प्रमुख अतिथ्यमा गाउँपालिकाले उक्त कार्यक्रम समारोह भव्यताका साथ समापन गरेकाे हाे । साथै कार्यक्रममा स्थानीय महिला तथा किशोरी समुह, गाउँपालिकालको १० वटै वडाका वडाअध्यक्षहरू, महिला नेत्रृ, महिला अघिकारकर्मी लगायतकाे पनि उपस्थिति रहेकाे थियाे ।

कार्यक्रममा विविन्न सांस्कृति तथा सृजनात्मक कार्यक्रमसँगै मनोरञ्जात्मक कार्यक्रमसमेत राखिएको थियो । कार्यक्रममा विद्यार्थी समूहलाई महिला हिंसा तथा सशक्तीकरणसम्बन्धी निबन्ध प्रतियोगिता गराइएको थियो । जसमा पहिलो हुने विद्यार्थीलाई पुरस्कारको वितरणसमेत गरिएको थियो ।

त्यस्तै, कार्यक्रममा महिला समुहबाट महिला हिंसासँग सम्बन्धित गीत लेखन तथा प्रस्तुतिकरण प्रतियोगिता पनि गरिएको थियो । जसमा उत्कृष्ट गीत लेख्नेलाई पुरस्कारको व्यवस्था गरिएको थियो । महिला हिंसाको अन्त्यका लागि गाउँपालिकाले उक्त १६ दिने अभियान चलाएको जनाएको छ ।