माध्यमिक तहको शिक्षकका लागि विज्ञापन आह्वान (विज्ञापनसहित)

काठमाडौं । शिक्षक सेवा आयोगले माध्यमिक तह, तृतीय श्रेणी शिक्षक पदको स्थायी पदपूर्तिका लागि विज्ञापन आह्वान गरेको छ ।
आयोगले आइतबार सूचना प्रकाशित गरेर नेपाली, अंग्रेजी, गणित, विज्ञान, सामाजिकलगायत विषयमा दरखास्त आह्वान गरेको हो ।
प्रदेशगत हिसाबले गरिएको विज्ञापनमा नेपालीमा ६७, अंग्रेजीमा ७९, गणितमा ८५, विज्ञानमा १२४, सामाजिकमा ५३, अर्थशास्त्रमा ७, कार्यलय सञ्चालन तथा लेखामा १५ जना शिक्षक माग गरिएको छ । त्यस्तै, संस्कृत व्याकरण र कम्युटर विज्ञानमा ३/३ जना शिक्षक माग गरिएको छ ।
१८ वर्ष पूरा भई ४० वर्ष ननाघेका योग्यता पुगेका नेपालीले आगामी माघ ८ गतेसम्म आवेदन दिन सक्नेछन् । दोब्बर दस्तुर तिरेर भने माघ १५ सम्म आवेदन दिन सकिन्छ । दरखास्त अनलाइनमार्फत दिन सकिने र शुल्क एक हजार तोकिएको आयोगले जनाएको छ । प्रत्येक समावेशी समूहको लागि भने थप रु. ६०० का दरले बुझाउनुपर्नेछ ।
आयोगले विज्ञापनसँगै परीक्षा केन्द्र पनि तोकेको छ । आयोगका अनुसार, कोशी प्रदेशको मोरङ, मधेस प्रदेशको धनुषा, बागमती प्रदेशको मकवानपुर, गण्डकी प्रदेशको कास्की, लुम्बिनी प्रदेशको दाङ, कर्णाली प्रदेशको सुर्खेत र सुदूरपश्चिम प्रदेशको कैलालीमा परीक्षा हुनेछ ।
ताजा अपडेट
-
विशेष अदालतको फैसलामा चित्त नबुझेको भन्दै अख्तियारद्वारा सर्वोच्चमा पुनरावेदन
-
ग्लोबलआइएमई बैंकका कार्ड होल्डरलाई सेल्सवेरीमा १० प्रतिशतसम्म क्यास ब्याक
-
‘भिजिबिलिटी’ कम हुँदा हवाई उडान प्रभावित
-
पाठेघर परीक्षण : महिलामा पाठेघरको मुखको क्यान्सरदेखि पाठेघर खस्ने समस्या
-
भारततर्फ सामान निर्यातको बाटो खुल्यो
प्रतिक्रिया