काठमाडौं । काभ्रेको बनेपा नगरपालिका वडा नम्बर ९ का वडाध्यक्ष नृपेश बादे १५ लाख घुससहित पक्राउ परेका छन् । अख्तियार दुरूपयोग अनुसन्धान आयोगबाट खटिएको टोलीले भक्तपुरको गठ्ठाघरबाट बुधबार राति उनलाई घुससहित पक्राउ गरेको हो ।

घरको बाटो सिफारिस गर्न सेवाग्राहीसँग १५ लाख रूपैयाँ घुस लिइसकेको अवस्थामा उनलाई नियन्त्रणमा लिइएको अख्तियारले जनाएको छ ।

त्यसैगरी, उनले चढ्ने कार र त्यसका चालक पदमबहादुर प्रधानलाई पनि अख्तियारले नियन्त्रणमा लिएको छ ।

बादे गत स्थानीय तहको निर्वाचनमा नेपाली कांग्रेसबाट उम्मेदवार बनेर विजयी बनेका थिए ।