मौसम : उच्च पहाडी भागमा हिमपात, तराईलाई हुस्सुले ढाक्यो
काठमाडौं । चार प्रदेशमा आज हिमपातको प्रक्षेपण गरिएको छ । तराई क्षेत्रलाई भने हुस्सु र कुहिरोले ढाकेको छ ।
अहिले नेपालमा पश्चिमी वायुको आंशिक प्रभाव रहेको छ । मौसमविदका अनुसार हाल देशको पहाडी भूभागमा आंशिक बदली रहे पनि बाँकी स्थानको मौसम सफा छ । तराईका भागलाई भने हुस्सु र कुहिरोले ढाकेको छ । हुस्सु र कुहिरोका कारण चिसो बढ्दा यो क्षेत्रको जनजीवन प्रभावित बनेको छ ।
शनिबार देशभर वर्षाको योग छैन । तर मौसमविद्ले उच्च पहाडी तथा हिमाली भेगमा हिमपातको सम्भावना औंल्याएका छन् ।
जल तथा मौसम विज्ञान विभागले शनिबार बिहान सार्वजनिक गरेको मौसम पूर्वानुमान बुलेटिन अनुसार शनिबार कोशी, गण्डकी, कर्णाली र सुदूरपश्चिम प्रदेशका उच्च पहाडी तथा हिमाली भूभागमा हिमपात हुने सम्भावना छ ।
पश्चिमी वायुको आंशिक प्रभावले मौसममा बदली आए पनि आगामी सोमबारसम्म वर्षाको आकलन गरिएको छैन । विभागका मौसमविद्ले शनिबारदेखि सोमबारसम्म हिमपात र बदली भए पनि वर्षाको सम्भावना नदेखिएको जनाएका छन् ।
ताजा अपडेट
-
झापामा पूर्वशिक्षकबाटै एरिनाबाट गोली प्रहार भएको खुलासा
-
नेपालमा रहेका वेष्ट इन्डिजका तीन खेलाडी विश्वकप टोलीमा
-
आरबी कम्प्लेक्स र पिपुल्स प्लाजाद्वारा लाखौं कर छली
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
प्रतिक्रिया