जनयुद्धकालीन मुद्दामा नेसपाका केन्द्रीय सदस्य पक्राउ, बाबुरामको आपत्ति

स्टार्टअप दर्ता र सञ्चालन सहज बनाउन सरकारले ल्यायो ‘स्टार्टअप फास्ट ट्र्याक’ कार्ययोजना

जनयुद्धकालीन मुद्दामा नेसपाका केन्द्रीय सदस्य पक्राउ, बाबुरामको आपत्ति

नेपालवाच २०८० माघ ११ गते ८:०२

काठमाडौं । नेपाल समाजवादी पार्टी (नेसपा) का केन्द्रीय सदस्य जीतमान पुन ‘मार्सल’ पक्राउ परेका छन् । तत्कालीन जनमुक्ति सेनाका ब्रिगेड कमाण्डरसमेत रहेका पुनलाई जनयुद्धकालीन मुद्दामा पक्राउ गरिएको हो ।

नेसपाका नेता एवं पूर्वप्रधानमन्त्री डा. बाबुराम भट्टराईले पुनको पक्राउप्रति आपत्ति जनाउँदै प्रधानमन्त्री पुष्पकमल दाहालसमक्ष तत्काल रिहाइको माग गरेका छन् ।

‘हामी यो घटनाको तीव्र भर्त्सना गर्दछौं र यसबारे तुरून्त आवश्यक कदम चाल्न जनयुद्धका सुप्रिम कमाण्डार तथा वर्तमान प्रधानमन्त्रीसँग जोडदार माग गर्दछौं,’ भट्टराईले सामाजिक सञ्जाल एक्समा लेखेका छन् ।