काठमाडौं । रेष्टुरेन्टको शौचालयमा महिलाको गोप्य तस्वीर तथा भिडियो खिचेको आरोपमा पक्राउ परेका सशस्त्र प्रहरी बलका तुलसिंह केसीलाई अदालतले २५ हजार रुपैयाँ धरौटीमा छुटेका छन् ।

जिल्ला अदालत काठमाडौंका न्यायाधीश हिमलाल बेल्बासेको इजलाशले डिएसपी केसीलाई धरौटीमा छाड्ने आदेश दिएको हो । केसी पक्राउ परेको १० दिनपछि धरौटीमा छुटेका हुन् ।

गत ५ फागुनमा स्वयम्भुस्थित रेष्टुरेन्टमा पक्राउ परेका थिए । रेष्टुरेन्टमा आएकी एक युवती शौचालयमा गएका बेला बाथरुमको माथिल्लो खुल्ला भागबाट उनले मोबाइलबाट तस्वीर तथा भिडियो खिचेका थिए । जसमा महिलाले उजुरी दिएकी थिइन् ।
मुलुकी अपराध संहिताको दफा १२१ अनुसारको कसुरअनुसार उनीविरुद्ध आइतबार मुद्दा दायर भएको थियो ।