काठमाडौं । नेपाली कांग्रेसका सभापति शेरबहादुर देउवाले पार्टी पदाधिकारीको आकष्मिक बैठक बोलाएका छन् ।

देशको राजनीतिमा देखापरेको नयाँ घटनक्रमबारे छलफल गर्न देउवाले आकष्मिक बैठक डाकेका हुन् ।

प्रधानमन्त्री एवं माओवादी केन्द्रका अध्यक्ष प्रचण्डले गएराति कांग्रेससँग गठबन्धन टुटाएर एमालेसँग सहकार्य गर्ने समझदारी गरेका छन् । प्रचण्डले नयाँ कदम चालेसँगै देशको राजनीति तीव्र रुपमा तरंगित छ ।

कांग्रेसका एक नेताले राजनीतिमा फेरिएको नयाँ परिदृश्यमा कसरी अघि बढ्ने भन्नेबारे छलफल गर्न पार्टी सभापति देउवाले पदाधिकारी बैठक डाकेको जानकारी दिएका छन् ।

प्रधानमन्त्री प्रचण्डले एमालेसँगको सहमतिअनुसार देउवालाई गठबन्धन टुटेको जानकारी दिने तयारी गरेका छन् । तर देउवा प्रचण्डको असन्तुष्टि सम्बोधन गरेरै भए पनि उनलाई रोक्ने अन्तिम प्रयासमा छन् ।