मन्त्रिमण्डल पुनर्गठनको तयारीमा प्रधानमन्त्री
काठमाडौं । प्रधानमन्त्री पुष्पकमल दाहाल ‘प्रचण्ड’ले मन्त्रिमण्डल पुर्नगठनको तयारी गरेका छन् । जनता समाजवादी पार्टी नेपाल फुटेर जनता समाजवादी पार्टी बनेपछि सरकारका मन्त्रीहरु पनि हेरफेर हुन लागेको हो ।
प्रधानमन्त्री समेतको सहयोगमा नयाँ दल बनेपछि जसपा नेपालका अध्यक्ष उपेन्द्र यादबले सरकार छाड्ने सम्भावना छ । यादब आफैं उपप्रधान तथा स्वास्थ्यमन्त्री छन् । त्यस्तै, वनमन्त्रीमा यादबकै दलका नवलकिशोर साह र वनराज्यमन्त्रीमा दीपक कार्की छन् । उनीहरु हटेपछि अशोक राई नेतृत्वको नयाँ दलका सांसदहरु मन्त्री बन्ने सम्भावना छ ।
अन्य दलका केही मन्त्रीहरुको जिम्मेवारी समेत हेरफेर हुने सम्भावना रहेको स्रोत बताउँछ । उपेन्द्र यादबले मंगलबार संसदीय दलको बैठक बोलाएका छन् । सोही बैठकबाट सो दलले सरकारबाट बाहिरिने विषयमा निर्णय लिने बताइएको छ ।
उपेन्द्र यादबले कांग्रेससँग मिलेर नयाँ गठबन्धन बनाउन लागेपछि सरकारकै सहयोगमा दल फुटेको हो । सरकार टिकाउनका लागि दल विभाजनमा प्रधानमन्त्रीले नै सहयोग गरेकाले अशोक राई नेतृत्वको जसपाका सांसदहरु मन्त्री बन्ने पक्का छ । सो दललाई निर्वाचन आयोगले सोमबार मान्यता दिइसकेको छ ।
ताजा अपडेट
-
फेरि बढ्यो सुनको मूल्य, आज कतिमा हुँदैछ कारोबार ?
-
एम्बुलेन्सको ठक्करबाट महिलाको मृत्यु, दुई जना घाइते
-
पृथ्वीराजमार्ग जोड्ने वैकल्पिक रानीटारी–घुम्ती १६ दिन बन्द हुने
-
जेठ १४ गते वागमती सरकारको नीति तथा कार्यक्रम प्रस्तुत गर्ने
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
प्रतिक्रिया