NepalWatch

News Portal For Eeverything In Nepal from Nepal

२०८१ जेठ ३२ गते

कांग्रेसको आह्वानमा विपक्षी दलहरूको बैठक बस्दै

काठमाडौं । नेपाली कांग्रेसले प्रतिपक्षमा रहेका दलहरूको बैठक बोलाएको छ । कांग्रेस सभापति शेरबहादुर देउवाको आह्वानमा राप्रपा, जसपा नेपाल, लोसपा, नेमकिपा, जनमोर्चालगायत दलका नेताहरूको बैठक बस्न लागेको हो ।

बैठक कांग्रेस संसदीय दलको बैठक सकिएलगत्तै बस्ने बताइएको छ । कांग्रेस संसदीय दलको बैठक अहिले नयाँबानेश्वरस्थित संसद भवनको ल्होत्से हलमा  जारी छ ।

संसदमा आफूले उठाएको मुद्दामा सहयोग माग्न कांग्रेसले बैठक आह्वान गरेको बताइएको छ ।

प्रमुख प्रतिपक्षी दल नेपाली कांग्रेसले सहकारी ठगी प्रकरणमा उपप्रधान तथा गृहमन्त्री रवि लामिछाने जोडिएको आरोप लगाउँदै त्यसमाथि संसदीय छानबिनको माग राखेर संसद् अवरुद्ध गर्दै आएको छ ।