काठमाडौं । ललितपुर महानगरपालिका–१७ ग्वार्कोस्थित सडकमा टिपरको ठक्करबाट मोटरसाइकल चालकको मृत्यु भएको छ । प्रदेश २–१–००२ प९१७५ नम्बरको मोटरसाइकललाई ठक्कर दिँदा मोटरसाइकल चालक सिरहा जिझौली घर भई काठमाडौं कोटेश्वर बस्ने ३२ वर्षीय जयनाथ यादवको बुधबार राति मृत्यु भएको छ । ठक्करबाट गम्भीर घाइते भएका उनको बिएण्डबी अस्पताल ग्वार्कोमा उपचारको क्रममा मृत्यु भएको हो । ठक्कर दिने टिपर भागेकोमा सिसिक्यामेराको सहयोगमा बिहीबार दिउँसो चालकसहित पक्राउ गरिएको ललितपुर प्रहरीले जनाएको छ ।