पृथ्वी राजमार्गमा सवारी दुर्घटना : घाइते २० मध्ये पाँच जना गम्भीर
धादिङ । पृथ्वी राजमार्गअन्तर्गत चितवनको फिस्लिङ बजार नजिक आज बिहान दुई वटा सवारीसाधन ठोक्किँदा २० जना घाइते भएका छन् । घाइतेमध्ये पाँच जनाको अवस्था गम्भीर छ ।
नेपालगञ्जबाट काठमाडौंतर्फ गइरहेको भे१ख ४०६० नम्बरको यात्रुबाहक बस र बागमती प्रदेश ०२–०३९च ३७२० नम्बरको कार एकापसमा ठोक्किएका हुन् । बस त्रिशूली नदी किनारमा पुगेको छ ।
कारलाई जोगाउन खोज्दा बस नदी किनारमा खसेको एक प्रत्यक्षदर्शीले बताए ।
जिल्ला ट्राफिक प्रहरी कार्यालय, गजुरीका अनुसार कारमा सवार पाँच जना गम्भीर घाइते छन् । बसमा ४५ जना यात्री थिए । सबै यात्रीको अवस्था सामान्य छ ।
गम्भीर घाइते भएका कारमा सवार सबैलाई उपचारका लागि चितवन पठाइएको गजुरीस्थित जिल्ला ट्राफिक प्रहरी कार्यालय प्रहरी निरीक्षक रवीन्द्रकुमार श्रेष्ठले जानकारी दिए ।
ताजा अपडेट
-
युवा संघका उपाध्यक्ष गुन्डागर्दीमा सक्रिय, तीनपुस्ते नखुलेको भन्दै ‘उन्मुक्ति’
-
ठेक्कामा हुने सेटिङ रोक्न तीनै तहका सरकारलाई अख्तियारको पत्राचार
-
अटिजमका बालबालिकाको शिक्षा र दिनचर्या कसरी सामान्य बनाउने ?
-
भारतमा विषाक्त मदिराबाट मृत्यु हुनेकाे संख्या ६३ पुग्यो
-
गाउँपालिकाले प्राविधिक शिक्षा निःशुल्क पढाउने
प्रतिक्रिया