ललितपुरको दुर्घटनामा स्कुटर चालकको मृत्यु
काठमाडौँ । ललितपुरको बालकुमारीमा भएको दुर्घटनामा एकको मृत्यु भएको छ । ट्रकको ठक्करबाट स्कुटर चालकको मृत्यु भएको प्रहरीले जनाएको छ । मृत्यु हुनेमा बा ८३ प ८१७८ नम्बरको स्कुटर चालक सिन्धुली तिनपाटन घर भएका ३५ वर्षीय रमेश कुमार पाण्डे छन् ।
कोटेश्वरबाट ग्वार्को तर्फ जाँदै गरेको प्रदेश–२–०३–००१ ख ५३५७ नम्बरको ट्रकले सोही दिशामा जाँदै गरेको स्कुटरलाई ठक्कर दिएको हो । ट्रक चालक धादिङ धुनिबेसी नगरपालिका घर भएका ४३ वर्षीय विशाल राईलाई प्रहरी वृत सातदोवाटोले नियन्त्रणमा लिई अनुसन्धान अघि बढाएको छ ।
प्रतिक्रिया