काठमाडौं । सरकारले यस वर्षको माध्यमिक शिक्षा परीक्षा (एसइई) को नतिजा सार्वजनिक गरेको छ ।

राष्ट्रिय परीक्षा बोर्ड, परीक्षा नियन्त्रण कार्यालयले बिहीबार बिहान लेटर ग्रेडिङ निर्देशिका, २०७८ अनुसार नतिजा सार्वजनिक गरेको हो ।

सार्वजनिक नतिजा वेबसाइट,एसएमएससँगै आइभिआर प्रणालीमार्फत हेर्न सकिने व्यवस्था मिलाइएको छ ।

बाेर्डका अनुसार नेपाल टेलिकमको ल्यान्डलाइन फोन, मोबाइलबाट १६०० डायल गरेर प्राप्त निर्देशनअनुसार अघि बढेमा सहजै नतिजा थाहा पाउन सकिन्छ ।

एसएमएसमार्फत नतिजा थाहा पाउन मोबाइलको म्यासेज बक्समा SEE<space> <symbol number> टाइप गरी १६०० मा पठाउनुपर्नेछ ।  http://see.ntc.net.np मार्फत पनि परीक्षार्थीले नतिजा हेर्न सक्नेछन् ।