काठमाडौं । उपसभामुख इन्दिरा राना मगरले अमेरिकी दूतावासलाई लेखेको पत्रबारे प्रतिक्रिया जनाउँदै आफूूले करुणाभावले गरेको कामलाई विवादित भएको बताएकी छिन् ।

उनले आफूूसहित ६जना व्यक्तिको अमेरिकी भिसाका लागि अन्तर्वार्ताको समय सारिदिन दूतावासलाई लेखेको पत्र विवादित भएसँगै यस्तो उनले प्रष्टोक्ति दिएकी हुन् ।

पत्र विवादमा परेपछि एक विज्ञप्ती जारी गर्दै उनले उक्त निमन्त्रणा स्वीकार गरी अमेरिका जाने क्रममा यात्रा गर्नुपर्ने समयावधी छोटो रहेको तर अन्तर्वार्ताको मिति लिन लामो समय कुर्नुपर्ने अवस्था आएकाले पत्र लेखेको बताएकी छिन् ।

करुणाभावले सहयोग गर्न खोजेको विषयलाई उक्त पत्र लेखेको झण्डै डेढ वर्षपछि विवादित गराउनु आफूविरुद्धको नियोजित कदम भएको उनको दाबी छ ।

‘मलाई नजिकबाट चिन्नेहरु मेरो स्वभावसँग जानकार नै हुनुहुुन्छ । मेरो स्वभावगत कमजोरीहरु धेरै होलान्, त्यसबाट फाइदा उठाउनेहरु पनि धेै होलान् तर अनैतिक कार्य मबाट भएको छैन, हुने छैन,’ जारी विज्ञप्तीमा उल्लेख गरिएको छ ।