काठमाडौं । प्रधानमन्त्री केपी शर्मा ओलीले विश्वासको मत पाएका छन् ।

उनले संविधानको धारा ७६ को उपधारा ४ बमोजिम आफूलाई प्रतिनिधिसभाको विश्वास छ भनेर राखेको प्रस्तावको पक्षमा १८८ मत प्राप्त गरे । उनले राखेको प्रस्ताव बहुमतले पारित भएको सभामुख देवेन्द्र घिमिरेले जानकारी दिएका हुन् ।

आज प्रधानमन्त्रीले विश्वासको मत माग्दा प्रतिनिधिसभाका २६३ सदस्य उपस्थित थिए । गत असार १७ मा नेकपा माओवादीसँगको सहकार्य तोडेर नेपाली कांग्रेससँग नयाँ गठबन्धन गरेसँगै ओली चौथो पटक प्रधानमन्त्री नियुक्त भएका हुन् ।

नयाँ समीकरण बनेसँगै असार २८ मा निवर्तमान प्रधानमन्त्री पुष्पकमल दाहालले माओवादीका ३२, रास्वपाका २१ र नेकपा एसका १० सांसदकोमात्रै विश्वासको मत प्राप्त गरेपछि उनी पदमुक्त भएका थिए । दुई सय ७५ सदस्यीय प्रतिनिधिसभामा बहुमतका लागि १३८ मत आवश्यक पर्छ ।