चितवनको जलवीरेमा माइक्रोबस दुर्घटना

मासु खाँदा हड्डी अड्किए के गर्ने, के नगर्ने ?

नेपालवाच २०८१ साउन ७ गते ८:०३

काठमाडौं । चितवनको जलवीरेमा माइक्रोबस दुर्घटना हुँदा तीन जना घाइते भएका छन् । ग १ ख ९१५५ नम्बरको माइक्रोबस सोमबार बिहान ४ बजे सडकको डिभाइडरमा ठोक्किएर दुर्घटना भएको हो ।

पूर्वीनवलपरासीको कावासोतीबाट हिँडेको माइक्रोबसको गन्तव्य काठमाडौं थियो ।

घटनामा कावासोती नगरपालिकाकी ६० वर्षीया सन्तुमाया कुमाल, ३६ वर्षीय घनश्याम न्यौपाने र १९ वर्षीय जेनिस बस्नेत घाइते भएका छन् ।

घाइतेहरूको उद्धार गरेर पुरानो मेडिकल कलेज, भरतपुर पठाइएको इलाका प्रहरी कार्यालय, मुग्लिनले जनाएको छ ।