काठमाडौं । एक साताअघिको विमान दुर्घटनामा संयोगले बाँचेका सौर्य एयरलाइन्सका पाइलट मनीषरत्न शाक्य अस्पतालबाट डिस्चार्ज भएका छन् । सिनामंगलस्थित काठमाडौं मेडिकल कलेजले उनलाई बिहीबार बेलुका डिस्चार्ज गरेको हो । स्वास्थ्यमा उल्लेख्य सुधार आएपछि डिस्चार्ज गरिएको डा.मिना थापाले जानकारी दिइन् ।

काठमाडौंबाट पोखरा जान लागेको सौर्य एयरलाइन्सको विमान गत ९ साउनमा दुघएटनामा परेको थियो । नियमित मर्मतका लागि पोखरा लैजान लागिएको जहाज उडेलगत्तै विमानस्थलभित्रै दुर्घटनामा परेको थियो । दुर्घटनामा कोपाइलटसहित १८ जनाले ज्यान गुमाएपनि पाइलट शाक्य संयोगले बाँच्न सफल भएका हुन् ।

दुुर्घटना भएको विमान विमानस्थलको छेउमा रहेको कन्टेनरमा ठोक्किदा दुई टुक्रा भएको थियो । ककपिटतर्फको भाग टुक्रिएको थियो । ककपिटमा ठूलो क्षती नहुँदा पाइलट शाक्य बाँच्न सफल भएका हुन । उनलाई तत्कालै सुरक्षाकर्मीले उद्धार गरी अस्पताल लगेका थिए । उनको हड्डी भाचिएको थियो ।

दुर्घटनाग्रस्त जहाजबाट निस्कदै पाइलट शाक्य